“ზურაბიშვილი თუ ჩათვლის, რომ 29 დეკემბრიდან ფეხები უნდა გაფშიკოს და არ გამოვიდეს იმ შენობიდან, ძალიან მხიარული წინასაახალწლო დღეები გვექნება, ბევრ პერფორმანსს მოვუწყობთ რიგით მოქალაქე ზურაბიშვილს”, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.
მისი თქმით, მოვლენები ძალიან ჩვეულებრივად განვითარდება.
„მოვლენები განვითარდება ძალიან ჩვეულებრივად, ჩვენ გვეყოლება საქართველოს ახალი პრეზიდენტი, მიხეილ ყაველაშვილი. ის უზრუნველყოფს, რომ ბოლოს და ბოლოს საზოგადოებაში გაჩნდება ნდობა, რომ საქართველოს პრეზიდენტი უნდა იყოს საქართველოს და არა უცხო ქვეყნების ინტერესების მატარებელი. ამას უზრუნველყოფს ახალი პრეზიდენტი, რომელიც იმავდროულად მოგვილოცავს ახალ წელს“, – განაცხადა მაჭარაშვილმა.
კომენტარები