გუდაურში მდებარე ინდური რესტორნის მეორე სართულზე მოწყობილ საძინებელ ოთახში 12 ადამიანის ცხედარი იპოვეს. შინაგან საქმეთა სამინისტროს განცხადებით, პირველადი დათვალიერებით ცხედრებს ძალადობის კვალი არ აღენიშნებათ.
საძინებელი ოთახების სიახლოვეს, შიდა, დახურულ სივრცეში განთავსებული იყო გენერატორი, რომელიც გუშინ მას შემდეგ ჩართეს, რაც ობიექტს დენის მიწოდება შეუწყდა.
გარდაცვლილთაგან 11 უცხო ქვეყნის, ხოლო ერთი საქართველოს მოქალაქეა. იგი 25 წლის ქართველი ახალგაზრდა ქალი აღმოჩნდა, რომელიც ამავე რესტორანში მუშაობდა.
გავრცელებული ინფორმაციით, დილით ტაქსის მძღოლმა, რომელიც რესტორანს ემსახურებოდა, პროდუქტები ჩამოიტანა თბილისიდან და ცხედრები სოწრედ მან ნახა. იგი მძიმე ემოციურ მდგომარეობაშია.
კომენტარები