აშშ-ის არჩეული პრეზიდენტის დონალდ ტრამპის მიერ ეროვნული უსაფრთხოების საკითხებში მრჩევლის თანამდებობაზე წარდგენილი მაიკ უოლცი ფიქრობს, რომ მსოფლიოში მიესალმებოდნენ უკრაინაში საომარი მოქმედებების გარკვეულ შეწყვეტას, როგორიცაა, მაგალითად, უნგრეთის პრემიერ-მინისტრის ვიქტორ ორბანის მიერ შეთავაზებული საშობაო ზავი. ინფორმაციას CBS News-ი ავრცელებს.
ტრამპისა და ორბანის აშშ-ში შემდგარი შეხვედრის კომენტირებისას უოლცმა იმედი გამოთქვა, რომ „მთელ მსოფლიოს სურს იხილოს სასაკლაოს გარკვეული შეჩერება, რომელიც ახლა უკრაინის აღმოსავლეთით ხდება“.
„ჩვენ უნდა შევაჩეროთ საბრძოლო მოქმედებები. იცით, თუ საუბარია რაღაცა ფორმით ცეცხლის შეწყვეტაზე, განვმეორდები და ვიტყვი, რომ ჩვენ ყურადღებით დავაკვირდებით, ეს რას ნიშნავს“, – ციტირებს CBS News-ი უოლცს.
ამასთან ერთად, უოლცმა უარი თქვა გაემხილა დეტალები, თუ როგორი პოლიტიკა ექნება ტრამპის ადმინისტრაციას უკრაინის ომთან დაკავშირებით.
ცნობისთვის, ორბანმა 11 დეკემბერს განაცხადა, რომ მან უკრაინას შობაზე ცეცხლის შეწყვეტა და ტყვეების მასშტაბური გაცვლა შესთავაზა, თუმცა უკრაინის პრეზიდენტმა ვოლოდიმირ ზელენსკიმ ეს იდეა უარყო.