სლოვაკეთის პრეზიდენტის პეტერ პელეგრინის განცხადებით, უკრაინაში მშვიდობის დამყარება კომპრომისის გზით, მათ შორის უკრაინულ ტერიტორიებზე უარით არის შესაძლებელი. ინფორმაციას უკრაინული მედია ავრცელებს.
„როცა საუბარია მშვიდობაზე, ვფიქრობ, საჭიროა რეალიზმის გრძნობის ქონა. დღეს ევროპაში, ალბათ, არცერთ საღად მოაზროვნე ადამიანს არ სჯერა, რომ მშვიდობის მიღწევა შესაძლებელია უკრაინის ნაწილობრივი ტერიტორიული დანაკარგების გარეშე“, – თქვა პელეგრინიმ.
როგორც პელეგრინიმ აღნიშნა, მისი ეს განცხადებები ფრონტზე არსებული სიტუაციის ანალიზს ეყრდნობა. სლოვაკეთის პრეზიდენტმა მოუწოდა უკრაინას და რუსეთს რაც შეიძლება სწრაფად დაიწყონ სამშვიდობო მოლაპარაკებები.
კომენტარები