პოლონეთის მოქალაქეების ნახევარზე მეტმა პირველად მხარი დაუჭირა მოსაზრებას, რომ ომი უკრაინაში უნდა დასრულდეს, თუნდაც ეს უკრაინის ტერიტორიის ან დამოუკიდებლობის ნაწილის დათმობის ხარჯზე მოხდეს. ინფორმაციას ამის შესახებ „პოლონური რადიო“ პოლონეთის საზოგადოებრივი აზრის კვლევის ცენტრის (CBOS) გამოკითვაზე დაყრდნობით ავრცელებს.
პირველად უკრაინის წინააღმდეგ სრულმასშტაბური ომის დაწყების შემდეგ, პოლონურ საზოგადოებაში დომინირებს შეხედულება, რომ პრიორიტეტი უნდა იყოს კონფლიქტის დასრულება და მშვიდობის დამყარება მაშინაც კი, თუ უკრაინას მოუწევს თავისი ტერიტორიის ან დამოუკიდებლობის ნაწილის დათმობა.
ამ მოსაზრებას ახლა რესპონდენტთა 55% უჭერს მხარს მაშინ, როდესაც 2024 წლის სექტემბერში ეს მაჩვენებელი 39%-ს შეადგენდა, ხოლო 2022 წლის აპრილში კი 26%-ს.
პოლონელ რესპონდენტთა მხოლოდ 31% მიიჩნევს, რომ უკრაინამ რუსეთის წინააღმდეგ ყოველგვარი დათმობის გარეშე უნდა გააგრძელოს ბრძოლა.