საფრანგეთის სასამართლომ ჟიზელ პელიკოს გაუპატიურების საქმეზე ბრალდებული 51-ვე პირი დამნაშავედ ცნო.
კერძოდ, 20-წლიანი პატიმრობა შეეფარდა მის ყოფილ მეუღლეს, დომინიკ პელიკოს, რომელიც დამნაშავედ იქნა ცნობილი დამამძიმებელ გარემოებებში უგონოდ მყოფი მეუღლის მრავალჯერადად გაუპატიურებასა და მასზე სექსუალური ძალადობისთვის სხვა პირების გადაბირებაში.
დანარჩენ 50 ბრალდებულს საფრანგეთის სასამართლომ 3-დან 13 წლამდე პატიმრობა შეუფარდა.
საერთო ჯამში, 51-დან 47 პირი გაუპატიურებაში, ორი გაუპატიურების მცდელობაში და ორიც სექსუალურ თავდასხმაში იქნა მსჯავრდებული.
გამოძიების ინფორმაციით, დომინიკ პელიკო მის მეუღლეზე სექსუალური ძალადობისთვის უცნობ პირებს ონლაინ მიმოწერის საშუალებით 2011-2020 წლების განმავლობაში უკავშირდებოდა. ის პოლიციამ 2020 წელს მას შემდეგ დააკავა, რაც დაცვის სამსახურმა სხვა გარემოებაში, უცნობი ქალის ფარულ ვიდეოგადაღებაში გამოიჭირა. გამოძიების პროცესში კი, სამართალდამცველებმა მიაგნეს ვიდეოჩანაწერების არქივს, სადაც მის მეუღლეზე სექსუალური ძალადობის სცენები იყო ასახული. გამოძიებით დადგინდა, რომ დომინიკ პელიკო მეუღლეს ნარკოტიკული საშუალებების გამოყენებით თიშავდა, რის შემდეგაც მასზე უცხო პირები ძალადობდნენ.