ხერსონზე რუსეთის მასირებულ საარტილერიო იერიშს ორი ადამიანი ემსხვერპლა, დაშავდა ათი მოქალაქე. რუსი სამხედროების მიერ საარტილერიო ცეცხლის გახსნის შედეგად, დაზიანებულია საცხოვრებელი სახლები, კრიტიკული ინფრასტრუქტურის ობიექტები. ინფორმაციას ხერსონის ხელისუფლება ავრცელებს.
ხერსონის სამხედრო საოლქო ადმინისტრაციის ხელმძღვანელმა, ალექსანდრ პროკუდინმა მოსახლეობას თავშესაფრებში ჩასვლისკენ მოუწოდა.
მისი თქმით, ოკუპანტებმა ქალაქში „ჯოჯოხეთი მოაწყეს“.
„აფეთქებები საოლქო ცენტრის ყველა რაიონში. მტერი მიზანმიმართულად დაესხა თავს საცხოვრებელ ნაგებობებს, სოციალურ და კრიტიკულ ინფრასტრუქტურას“, – აცხადებს პროკუდინი.
ხერსონზე იერიშის შედეგად ელექტროენერგიის გარეშე 60 ათასამდე აბონენტია დარჩენილი.
კომენტარები