აშშ-ის წარმომადგენელთა პალატამ ფედერალური მთავრობის დაფინანსების გახანგრძლივების შესახებ კანონპროექტი დაამტკიცა. ინფორმაციას ამის შესახებ სააგენტო Bloomberg-ი ავრცელებს.
დოკუმენტს მხარი კონგრესის ქვედა პალატის 366-მა წევრმა დაუჭირა, ხოლო 34 – წინააღმდეგ წავიდა.
კანონპროექტი გაახანგრძლივებს ფედერალური მთავრობის დაფინანსებას მომავალი წლის 14 მარტამდე და გამოყოფს 100 მილიარდ დოლარზე მეტს სტიქიური უბედურებების შედეგების აღმოსაფხვრელად.
ხუთშაბათს, კანონმდებლებმა ვერ მიიღეს კანონპროექტის ადრინდელი ვერსია, რომელიც მოიცავდა დებულებას აშშ-ის სავალო ჭერის გაზრდის შესახებ, რომელმაც ნოემბერში პირველად გადააჭარბა $36 ტრილიონს.
კომენტარები