ყველაზე მთავარი, რასაც ელოდებოდა ჩვენი ოპოზიციის დესტრუქციული ნაწილი, ამ დასკვნამ აბსოლუტურად ყველაფერი ჩამოშალა, – განაცხადა ფრაქცია „ქართული ოცნების“ თავმჯდომარის პირველმა მოადგილემ ირაკლი კირცხალიამ ეუთო/ოდირის საბოლოო დასკვნაზე საუბრისას.
მისი თქმით, მმართველი გუნდი მზადაა, ეუთო/ოდირის რეკომენდაციებზე სამუშაოდ.
„რეკომენდაციები ეუთო/ოდირს ნებისმიერ არჩევნებზე აქვს და რეკომენდაციებს მსოფლიოს ნებისმიერ ქვეყნის მიმართებით იძლევა. ჩვენ ყოველთვის მზად ვიყავით, ვართ და ვიქნებით, რომ ნებისმიერი რეკომენდაცია პარტნიორულ, კონსტრუქციულ ჭრილში გავიაროთ და მივყვეთ. ყველაზე მთავარი, რასაც ელოდებოდა ჩვენი ოპოზიციის დესტრუქციული ნაწილი, ამ დასკვნამ აბსოლუტურად ყველაფერი ჩამოშალა“, – აღნიშნა კირცხალიამ.
ეუთო/ოდირის საბოლოო დასკვნით დადასტურდა, რომ საქართველოში არჩევნები თავისუფალ და კონკურენტულ გარემოში ჩატარდა.