ყაზახეთის ქალაქ აქტაუსთან Azerbaijan Airlines-ის კუთვნილი სამგზავრო თვითმფრინავი ჩამოვარდა. ინფორმაციას აზერბაიჯანული მედია ავრცელებს.
თვითმფრინავი ბაქო-გროზნოს რეისს ასრულებდა. კასპიის ზღვაზე ის რადარებიდან გაუჩინარდა. მოგვიანებით სოციალურ ქსელში თვითმფრინავის ჩამოვარდნის ვიდეო გავრცელდა.
წინასწარი მონაცემებით, ბორტზე 67 მგზავრი და ეკიპაჟის ხუთი წევრი იმყოფებოდა. სავარაუდოდ, ავიაკატასტროფის მიზეზი თვითმფრინავის ჩიტებთან შეჯახება გახდა.
ადგილზე უკვე მუშაობენ სახანძრო-სამაშველო სამსახურები. ინფორმაცია დაშავებულებისა და გარდაცვლილების შესახებ ჯერ არ ვრცელდება.
კომენტარები