მთელი ქვეყნის მასშტაბით წინასაახალწლო ღონისძიებები გრძელდება. ახალი წლის დღეებს მასპინძლობს ლაგოდეხი. ქალაქის ცენტრალურ ქუჩაზე საშობაო სოფელი გაიხსნა, სადაც ადგილობრივების ხელნაკეთი ნივთების გამოფენა-გაყიდვა მიმდინარეობს. საზეიმოდ განათდება ქალაქის მთავარი ნაძვის ხე. საღამო გალა კონცერტით დასრულდება.
საახალწლო ღონისძიებები იმართება ხონში, მარტვილში და დუშეთიც. ქალაქების ცენტრალურ მოედნებზე საახალწლო ფერადი საბავშვო სივრცეები, ფოტოს გადასაღები სტენდები და საშობაო ბაზრობაა მოწყობილი, სადაც ადგილობრივი მეწარმეები ხელნაკეთ ნივთებს ჰყიდიან. დღის ბოლოს ყველა ქალაქში საზეიმოდ განათდება მთავარი ნაძვის ხე.
კომენტარები