თეირანმა WhatsApp-სა და Google Play-ზე დაწესებული შეზღუდვები გააუქმა, – იტყობინება ირანული მედია.
გადაწყვეტილება ხმათა უმრავლესობით მიღებული იყო საინფორმაციო უსაფრთხოების უმაღლესი საბჭოს სხდომაზე.
მანამდე ირანში ინტერნეტზე უმკაცრესი კონტროლი იყო დაწესებული, თუმცა როგორც სააგენტო „როიტერსი“ წერს, ქვეყნის მცხოვრებლები ბლოკირებულ სოციალური ქსელებსა და პლატფორმებზე შესვლას მაინც ახერხებდნენ. სოციალურ ქსელებს აქტიურად გამოიყენებდნენ ანტი-სამთავრობო მიტინგების დროსაც.
WhatsApp-ი და Google Play-ი ირანში 2022 წლის სექტემბერში დაბლოკეს საპროტესტო აქციების შემდეგ, რომლებიც 22 წლის სტუდენტის მაჰსი ამინის გარდაცვალებას მოჰყვა. პოლიციამ ის დააკავა ჰიჯაბის არასწორი ტარებისთვის, შემდეგ კი განაცხადა, რომ გოგონას გულის შეტევა დაემართა. გოგონას ახლობლები ამტკიცებენ, რომ იგი პოლიციელებმა სიკვდილამდე სცემეს.