„ახლა ხომ მაინც ხვდება ყველა, რომ ბიძინა ივანიშვილი დასაჯეს ურჩობის გამო, დასაჯეს სამშობლოს ერთგულების გამო! მან კი არ გადააყოლა საქართველო თავის მილიონებს, პირიქით, თავისი მილიონები გადააყოლა ჩვენი ქვეყნის მშვიდობას“, – წერს სოციალურ ქსელში პარტია „ხალხის ძალის“ წევრი თამარ ჩიბურდანიძე.
მისივე თქმით, ამერიკის შეერთებული შტატების მხრიდან უსამართლო ქმედებამ ქართველი ხალხი ერთ მუშტად შეკრა ბიძინა ივანიშვილის ირგვლივ.
„გვახსოვს, ოქტომბერში ამერიკის საელჩოს განცხადება, რომ თურმე ბიძინა ივანიშვილის ფინანსური დავა Credit Swiss -თან ამერიკის ხელისუფლებისგან არ იყო. გვახსოვს ოპოზიციის ქილიკიც ბიძინა ივანიშვილზე, თითქოს მან თავის მილიონებს გადააყოლა საქართველო და ამერიკას ტყუილუბრალოდ სდებდა ბრალს. გუშინ, სახელმწიფო დეპარტამენტის მხრიდან ბიძინა ივანიშვილის დასანქცირებამ ფარდა ახადა იმ დიდ ტყუილს, რასაც ბაიდენის ადმინისტრაცია ავრცელებდა, თითქოს ივანიშვილის ფინანსების დაკავება მათგან არ იყო. ამ სანქციების მიხედვით, ბიძინა ივანიშვილი Credit Swiss-თან მოგებულ თანხას ვერ მიიღებს ამერიკის თანხმობის გარეშე.
ახლა ხომ მაინც ნათელია ყველაფერი? ახლა ხომ აღარავის ეპარება ეჭვი ამ კაცის სიმართლეში? ახლა ხომ მაინც ხვდება ყველა, რომ ბიძინა ივანიშვილი დასაჯეს ურჩობის გამო, დასაჯეს სამშობლოს ერთგულების გამო! მან კი არ გადააყოლა საქართველო თავის მილიონებს, პირიქით, თავისი მილიონები გადააყოლა ჩვენი ქვეყნის მშვიდობას.
მაგრამ, დასავლეთმა ერთი ვერ გათვალა – ქართველი ხალხის შეუპოვრობა! მათ ჰყავდეთ “მსოფლიოს გმირად” შერაცხილი, საკუთარი სამშობლოს გამყიდველი ზელენსკი. ჩვენ კი გვყავს ნამდვილი გმირი და პატრიოტი. ეს ისტორიამ უკვე დაწერა და ამას ვეღარავინ შეცვლის!
აშშ-ს უსამართლობამ ქართველი ხალხი ერთ მუშტად შეკრა სწორედ ბიძინა ივანიშვილის ირგვლივ“, – წერს თამარ ჩიბურდანიძე.