„ქართული ოცნების“ პოლიტსაბჭოს წერილი რამდენიმე მნიშვნელოვან ასპექტს შეიცავდა, მათ შრის აუცილებლად უნდა ვახსენოთ ე.წ. დიფ სთეითი, რომლის შესახებ, არა მხოლოდ ქართული ოცნება არამედ ტრამპი და მასკი საუბრობს, მაგრამ ქართულ ოპოზიციას ამის აღიარება ჯიუტად არ სურს! – წერს ექსპერტი დავით ჩიხელიძე სოციალურ ქსელში.
მისი განცხადებით, ბოლო პერიოდის მოვლენებით დასტურდება, რომ დასავლეთი განსაკუთრებული მონდომებით იბრძვის საქართველოსა და მისი ხელისუფლების წინააღმდეგ, რომელმაც ეროვნული ინტერესების დასავლურ ინტერესებზე მაღლა დააყენა.
ჩიხელიძე აღნიშნავს იმასაც, რომ ახალი ადმინისტრაციის პირობებში, რომელიც „დიფ სთიეთის“ ძალაუფლების შეზღუდვას გეგმავს, საქართველოს აშშ-სთან ურთიერთობების გადატვირთვის შესაძლებლობა ექნება.
„ბოლო დღეებში განვითარებული მოვლენები ადასტურებს, რომ კოლექტიური დასავლეთი განსაკუთრებული მონდომებით ებრძვის საქართველოს და მის ხელისუფლებას, რომელმაც გაბედა და სახელმწიფო ინტერესები, დასავლეთის ინტერესებზე მაღლა დააყენა! „ქართული ოცნების“ პოლიტიკა, რომელიც სახელმწიფო ინტერესებს ემსახურება მიუღებელია დასავლეთისთვის, რადგან მათთვის ზოგადად სახელმწიფოებრიობის ცნება უცხო არის, მათი ბატონი ფული გახლავთ!
„ქართული ოცნების“ პოლიტსაბჭოს წერილი რამდენიმე მნიშვნელოვან ასპექტს შეიცავდა, მათ შრის აუცილებლად უნდა ვახსენოთ ე.წ. დიფ სთეითი, რომლის შესახებ, არა მხოლოდ ქართული ოცნება არამედ ტრამპი და მასკი საუბრობს, მაგრამ ქართულ ოპოზიციას ამის აღიარება ჯიუტად არ სურს! ფაქტობრივად ყველა კარტი გახსნილია, დასავლეთი მუქარიდან მოქმედებაზე გადავიდა, დაიწყეთ ომი! წინააღმდეგ შემთხვევაში დაგსჯით! რადგან საქართველომ ომს მშვიდობა არჩია, კოლექტიურმა დასავლეთმა დასჯის ოპერაცია დაიწყო, რაც ცალკეულ პირთა სანქცირებაში აისახა.
სწორედ სანქცირების დაწესებით დაუშვა დასავლეთმა დიდი შეცდომა, მათ როგორც ჩანს არ იციან საქართველოს ისტორია, ჩვენი წარსული და ქართველი ხალხის შეუპოვარი ბრძოლა დამოუკიდებლობისთვის და სარწმუნოებისთვის, ჩვენ ის ერი ვართ, რომელსაც ცოტნე დადიანი, დემეტრე II, ასი ათასი მოწამე, თევდორე მღვდელი და ა.შ. გვყავს, რა მოსატანია სანქცია, როცა ქართველი საკუთარი სამშობლოსთვის სიცოცხლეს სიხარულით თმობდა!
ჩვენზე გამარჯვება რთული და შეუძლებელია (ისტორია ამას გვეუბნება) აშშ-ის ახალი ადმინისტრაციის პირობებში, ყველა წინა პირობა არსებობს, რომ დიფ სთეითის ძალაუფლება მნიშვნელოვნად შეიზღუდოს, რაც თავის მხრივ საქართველოს აშშ-თან და ევროკავშირთან ურთიერთობის გადატვირთვის შესაძლებლობას მისცემს, პარალელურად აუცილებლად უნდა შევეხოთ, 2025 წელს ევროპის ქვეყნებში ჩასატარებელ არჩევნებს, რომელიც ევროპის პოლიტიკურ ლანდშაფტზე მნიშვნელოვანი გავლენის მოხდენა შეუძლია.
ქართულმა ოცნებამ ქვეყნის წინაშე მდგარი არაერთი საფრთხე გააუვნებელყო, მსოფლიოში არსებული არაერთი საომარი კონფლიქტის მიუხედავად, შეძლო სახელმწიფო ინტერესების და მშვიდობის დაცვა, რაც მერწმუნეთ საკმაოდ რთული და კოლექტიური დასავლეთისთვის მიუღებელი პროცესი იყო!“, – წერს ჩიხელიძე.