თელ ავივში დანით შეიარაღებული პირის თავდასხმის შედეგად ოთხი ადამიანი დაშავდა, თავდამსხმელი ლიკვიდირებულია. ამის შესახებ ისრაელის მედია წერს.
თავდასხმა, რომელიც პოლიციამ ტერორისტულ აქტად შეაფასა, თელ ავივში, ორ სხვადასხვა ქუჩაზე მოხდა. თავდამსხმელმა მოქალაქეებს ჭრილობები დანით მიაყენა. დაშავებულთა მდგომარეობა საშუალო სიმძიმისაა.
როგორც ადგილობრივი მედია წერს, თავდამსხმელი არის მაროკოს 29 წლის მოქალაქე აბდელაზიზ კადი, რომელიც აშშ-ის მწვანე ბარათის მფლობელი იყო. ის ისრაელში 18 იანვარს ტურისტული ვიზით შევიდა. კადი ქვეყანაში შესვლისას დაიკითხა, თუმცა ის მალევე გაუშვეს.
მომხდარ ფაქტზე მიმდინარეობს გამოძიება.
კომენტარები