ტელეკომპანია „ფორმულას“ თანამშრომელი მიშა მშვილდაძე თავის იუმორისტულ გადაცემაში შეურაცხყოფას აყენებს შეზღუდული შესაძლებლობის მქონე პირებს.
„დაკავებულია ფოლკლორული ანსამბლის წევრი, რომელიც უხელფეხო მეზობელს გუდასტვირად იყენებდა“, – აცხადებს მიშა მშვილდაძე.
საკითხს ჟურნალისტებთან საუბრისას საპროცედურო საკითხთა და წესების კომიტეტის თავმჯდომარე, უმრავლესობის წევრი დავით მათიკაშვილი გამოეხმაურა.
მისი თქმით, „ნაცმოძრაობის“, მათი რუპორების მხრიდან, იმ ტელევიზიებიდან, ვინც პირდაპირ ემსახურება აგენტოკრატიას საქართველოში, არაერთგზის მოგვისმენია დამამცირებელი, დამაკნინებელი გამონათქვამები, მათ შორის, შშმ პირებთან მიმართებით.
„ეს არ არის პირველი. კარგად აჩვენებს ეს მათ რეალურ სახეს, მათ მორალურ სახეს. მათთვის, ღირებულებები არის სრულიად განსხვავებული და ის აბსოლუტურად არ ესადაგება არც ქართულ ეროვნულ და არც საერთოდ, ზოგადად, მსოფლიოში მიღებულ იმ მორალურ ღირებულებებს, სადაც ელემენტარულად შშმ პირებს შეურაცხყოფა არ უნდა მიაყენონ“, – აღნიშნა დავით მათიკაშვილმა.