აშშ-ის პრეზიდენტმა, დონალდ ტრამპმა თანამდებობიდან გაათავისუფლა იუსტიციის დეპარტამენტის ოფიციალური პირები, რომლებიც მის სამართლებრივ დევნას ახორციელებდნენ. ინფორმაციას ამის შესახებ ტელეკომპანია CNN-ი ავრცელებს.
როგორც ტელეკომპანია CNN-ი ინფორმირებულ წყაროებზე დაყრდნობით იუწყება, ათზე მეტი ოფიციალური პირი, რომელიც დონალდ ტრამპის წინააღმდეგ სისხლის სამართლის საქმეებზე მუშაობდა, თანამდებობიდან გაათავისუფლეს.
აშშ-ის გენერალური პროკურორის მოვალეობის შემსრულებლის, ჯეიმს მაკჰენრის წერილში ნათქვამია, რომ გათავისუფლებულ პირებს ვერ ენდობიან ტრამპის დღის წესრიგის ერთგულად განხორციელების საქმეში.
„თქვენ მნიშვნელოვანი როლი შეასრულეთ პრეზიდენტ ტრამპის [სამართლებრივ] დევნაში. მთავრობის გამართული ფუნქციონირება მნიშვნელოვნად არის დამოკიდებული ზემდგომი თანამდებობის პირების ქვეშევრდომების მიმართ ნდობაზე. პრეზიდენტის დევნის საქმეში თქვენი მნიშვნელოვანი როლის გათვალისწინებით, არ მივიჩნებ, რომ [იუსტიციის] დეპარტამენტის ხელმძღვანელობას შეუძლია თქვენი ნდობა პრეზიდენტის დღის წესრიგის ერთგულად განხორციელებაში“, – ნათქვამია წერილში.