აშშ-მა უკრაინელი ლტოლვილებისთვის მოქმედი პროგრამა U4U დროებით შეაჩერა. ინფორმაციას ამერიკის მოქალაქეობისა და იმიგრაციის სამსახური ავრცელებს.
როგორც უწყების განცხადებაშია ნათქვამი, ისინი პროგრამას აშშ-ის პრეზიდენტის დონალდ ტრამპის მიერ 20 იანვარს გამოცემული ბრძანებულების თანახმად აჩერებენ. უკრაინელი ლტოლვილებისთვის განკუთვნილი პროგრამა გაჩერებული იქნება მანამ, სანამ აშშ-ის ხელისუფლება ტრამპის ბრძანებულებასთან მის შესაბამისობას არ შეისწავლის.
ცნობისთვის, პროგრამა U4U აშშ-ის ყოფილი პრეზიდენტის ჯო ბაიდენის ინიციატივაა. ის უკრაინელ იმიგრანტებს აშშ-ში დროებითი შესვლის უფლებას აძლევდა, თუ მათ ფინანსური სპონსორი ეყოლებოდათ. 2023 წლის სექტემბრის მდგომარეობით, ამ პროგრამით 150 ათასზე მეტმა უკრაინელმა ისარგებლა.
კომენტარები