აშშ-ის პირველი ლედის, მელანია ტრამპის პირველი ოფიციალური ფოტო თეთრი სახლიდან გამოქვეყნებულია.
ფოტო გადაღებულია ყვითელ ოვალურ დარბაზში, უკანა ფონზე ვაშინგტონის მონუმენტი ჩანს. გავრცელებული ინფორმაციით, ფოტო 21 იანვარსაა გადაღებული, დონალდ ტრამპის ინაუგურაციიდან ერთი დღის შემდეგ.
შავ-თეთრ ფოტოზე აშშ-ს პირველი ლედი მკაცრ და საქმიან სტილშია აღბეჭდილი.
ფოტო ბელგიელმა ფოტოგრაფმა ქალმა რეჟინ მაუსმა გადაიღო. მან მელანია ტრამპი დონალდ ტრამპის პირველი პრეზიდენტობის დროსაც გადაიღო ჯერ თეთრ სახლში, შემდეგ კი ფრანგული ჟურნალის Paris Match-თვის.
მელანია ტრამპის პირველი ოფიციალური ფოტოსურათი თეთრ სახლში – აშშ-ის პირველი ლედის სტატუსით – რეჟინ მაუმ 2017 წელს ფერადი სახით გადაიღო: ფოტოზე შესამჩნევია საქორწინო ბეჭედი, რომელიც მას მეუღლემ, დონალდ ტრამპმა 2004 წელს იმ დროს აჩუქა, როდესაც მას ხელი სთხოვა.