ამხელა რესურსი, ამდენი თანხა დაიხარჯა იმაში, რომ ჩვენ საზოგადოებაში შეიქმნა გარკვეული ფენა, რაშიც გამოიყენეს ახალგაზრდების გამოუცდელობა, ნაკლები ინფორმაცია, ეს პროპაგანდისტული უშველებელი და მძლავრი მანქანა მთელი სცენარებით და სახელმძღვანელოებით, რომლებმაც ჩამოაყალიბა გარკვეული წინაპირობა იმისათვის, რომ არასდროს საქართველოში საზოგადოება არ შერიგდეს, – განაცხადა საქართველოს პარლამენტის თავმჯდომარის პირველმა მოადგილე გიორგი ვოლსკიმ გადაცემაში „იმედი LIVE“.
„უნდა აღვნიშნო გულდაწყვეტით, სამწუხაროდ, მიაღწიეს მზაკვრული ამოცანის დიდი ნაწილის რეალიზაციას. ანუ, ამხელა რესურსი, ამდენი თანხა დაიხარჯა იმაში, რომ ჩვენ საზოგადოებაში შეიქმნა გარკვეული ფენა, რაშიც გამოიყენეს ახალგაზრდების გამოუცდელობა, ნაკლები ინფორმაცია, ეს პროპაგანდისტული უშველებელი და მძლავრი მანქანა მთელი სცენარებით და სახელმძღვანელოებით, რომლებმაც ჩამოაყალიბა გარკვეული წინაპირობა იმისათვის, რომ არასდროს საქართველოში საზოგადოება არ შერიგდეს. ცოტა ახლა პათეტიკაში არ ჩამითვალოთ, მაგრამ აი წარმოიდგინეთ, მთელი ჩვენი საზოგადოება შეთანხმდეს იმაზე, რომ ჩვენ მოწინააღმდეგეები ვართ ერთმანეთის გარკვეული პოლიტიკური ჯგუფები, მაგრამ ევროპული გზა ყველასთვის ერთია. სად იქნებოდა მაშინ ევროპარლამენტარების გააფთრებული, უსაფუძვლო და უსამართლო შეტევა ჩვენზე. რამდენით წინ ვიქნებოდით, მითუმეტეს, უკრაინას კი არა და მოლდოვას, ევროკავშირის ქვეყნებს ვუსწრებთ მთელი რიგი მაჩვენებლებით. რატომ არ შეიძლება ამაზე იყოს ეროვნული კონსენსუსი. რატომ და იმიტომ, რომ ამაზე დაიხარჯა ათეულობით მილიონი დოლარი და საერთოდ არ აინტერესებთ საქართველო რომელ პოლიტიკურ მიმართულებას ავითარებს. მთავარია, რომ ხელისუფლებაში იყოს ის რესურსი, ამერიკის ადმინისტრაცია ამისთვის იღვწოდა ხომ, რომ ნებისმიერ დროს ერთი თითის დატკაცუნებით გააკეთებინებ იმას, რაც საჭიროა“, – აღნიშნა გიორგი ვოლსკიმ.