“დადგა დრო რომ შევაჩეროთ ყალბი ახალი ამბები და პატივი ვცეთ დემოკრატიას საქართველოში”

ვიმეორებ, რომ თქვენი არჩევნები იყო ჯეროვან დონეზე ჩატარებული, – განაცხადა გადაცემაში „იმედი LIVE“ ევროპარლამენტარმა ტიერი მარიანიმ.

მისივე თქმით, დადგა დრო, რომ შეჩერდეს ყალბი ახალი ამბები და პატივი სცენ დემოკრატიას საქართველოში.

„თითოეულ სესიაზე შეიძლება შანსი იყოს იმისი, რომ რეზოლუცია დაიდოს საქართველოს წინააღმდეგ. ეს არის კონტრპროდუქტიული ეროვნული პოლიტიკისთვის. ანუ, ყველა სესიაზე თქვენი ქვეყნის წინააღმდეგ აძლევენ ხმას და ამით ძირს უთხრიან პარლამენტის ნდობას. არის თავისებური ოპოზიციაც ამის წინააღმდეგ იმიტომ, რომ საქართველოს არ სურს იმის გაკეთება, რაზეც ევროპარლამენტი ოცნებობს.

თქვენი არჩევანია და თქვენ მარტო არ ხართ. ამ სესიაზე ასევე იქნება დებატები სერბეთის წინააღმდეგ. ამ პარლამენტის დიდი დრო ეთმობა რეზოლუციებს იმ ქვეყნების წინააღმდეგ, რომლებიც ევროკავშირის ხაზს არ მიჰყვება.

ვიმეორებ, რომ თქვენი არჩევნები იყო ჯეროვან დონეზე ჩატარებული. ეუთო/ოდირის მოხსენება წავიკითხე არჩევნების შემდეგ, ეს საჯარო დოკუმენტია, ყველას შეუძლია მისი წაკითხვა, 20 დეკემბერს გამოქვეყნდა. მახსოვს, პარლამენტში აცხადებდნენ, რომ არჩევნები უნდა გაუქმდეს და მოხსენებაში არ წერია. ანუ, დადგა დრო, რომ შევაჩეროთ ყალბი ახალი ამბები და პატივი ვცეთ დემოკრატიას საქართველოში“, – აღნიშნა ტიერი მარიანიმ.