“ალიანსის ლიდერებს უკრაინისთვის არასდროს მიუციათ დაპირება, რომ იგი ნატოს წევრი გახდებოდა”

ნატოს გენერალურმა მდივანმა, მარკ რუტემ განაცხადა, რომ ალიანსის ლიდერებს უკრაინისთვის არასდროს მიუციათ დაპირება, რომ იგი ნატოს წევრი გახდებოდა, თუ რუსეთთან სამშვიდობო შეთანხმებას გააფორმებდა. ინფორმაციას ამის შესახებ ბრიტანული გამოცემა The Guardian-ი ავრცელებს.

მისი თქმით, მიუხედავად იმისა, რომ ნატო უკრაინის მომავალი წევრობის ერთგულია, „არასდროს ყოფილა შეთანხმება იმაზე, რომ როდესაც სამშვიდობო მოლაპარაკებები დაიწყებოდა, ეს მოლაპარაკებები აუცილებლად ნატოს წევრობით დასრულდებოდა“.

„რასაც მე მუდმივად ვამბობ, არის ის, რომ უნდა დავრწმუნდეთ, რომ რა შედეგიც არ უნდა დადგეს, ჩვენ უნდა გავაკეთოთ ყველაფერი იმისათვის, რომ ვლადიმირ პუტინმა არასოდეს, არასოდეს სცადოს უკრაინაზე თავდასხმა. ეს მნიშვნელოვანია“, – დასძინა ნატოს გენერალურმა მდივანმა.