რადიო „თავისუფალი ევროპა“ / რადიო „თავისუფლების“ ბელარუსის სამსახურის ჟურნალისტი, ანდრეი კუზნეჩიკი ბელარუსის ციხიდან სამ წელზე მეტი ხნის პატიმრობის შემდეგ გაათავისუფლეს. ის სასჯელს იხდიდა ბრალდებით, რომელსაც თავად ის, მისი დამსაქმებელი, ამერიკელი ოფიციალური პირები და უფლებადამცველი ორგანიზაციები „პოლიტიკურად მოტივირებულს“ უწოდებენ.
ჟურნალისტის გათავისუფლებამდე ერთი დღით ადრე, 11 თებერვალს, ტრამპის ადმინისტრაციის ძალისხმევით, რუსეთის ციხიდან ამერიკელი სკოლის მასწავლებლის, მარკ ფოგელის გათავისუფლება მოხერხდა.
„ეს სასიხარულო დღეა ანდრეისთვის, მისი მეუღლე ალესიასთვის და მათი ორი მცირეწლოვანი შვილისთვის. სამ წელზე მეტი ხნის განშორების შემდეგ, ეს ოჯახი, პრეზიდენტ დონალდ ტრამპის წყალობით, კვლავ ერთად არის“, – განაცხადა 12 თებერვალს რადიო „თავისუფალი ევროპა“ / რადიო „თავისუფლების“ პრეზიდენტმა და გენერალურმა დირექტორმა, სტივენ კაპუსმა. მან ასევე აღნიშნა აშშ-ს სახელმწიფო მდივნის, მარკო რუბიოს და მისი გუნდის ძალისხმევა, ისევე როგორც ლიეტუვას მთავრობა მხარდაჭერა.