უკვე ერთი კვირაა იტალიის კუნძულ სიცილიაზე ვულკანი “ეტნა” ლავას აფრქვევს. ლავის შადრევნების სანახავად კუნძულზე ათასობით ტურისტი ჩავიდა. ინფორმაციას CNN-ი ავრცელებს.
სიცილიის რეგიონული სამოქალაქო დაცვის სააგენტოს ხელმძღვანელის, სალვო კოჩინას თქმით, ტურისტების ნაკადის უეცარმა მატებამ უსაფრთხოების ნორმებს საფრთხის ქვეშ აყენებს.
მან CNN-ს განუცხადა, რომ ტურისტების უმეტესობა კარგად არის აღჭურვილი და ალპური და ვულკანოლოგიური გიდები ახლავთ თან, მაგრამ “ასევე არის ათასობით ადამიანის მუდმივი ნაკადი, რომლებიც დაუდევრად აჩერებენ ავტომობილებს, დადიან ვიწრო გზების გასწვრივ და ბლოკავენ სამაშველო მანქანების გადაადგილებას.”
სალვო კოჩინის განმარტებით, ორშაბათს, რვა ადამიანი, რომლებიც გიდის გარეშე ცდილობდნენ მთაზე ასვლას, რამდენიმე საათით დაიკარგნენ, სანამ ისინი მაშველებმა იპოვეს. მისი თქმით, 48 წლის მამაკაცმა კვირას ყინულზე დაცემის შედეგად ფეხი მოიტეხა.