პარტია „ხალხის ძალის“ წევრი ნინო ცხვარაძე ქვეყანაში მიმდინარე პროცესებს მედიასთან ეხმიანება.
„საქართველოში ბოლო პერიოდში მიმდინარე პოლიტიკურმა პროცესებმა ოპოზიციის ლუსტრაცია მოახდინა. სწორედ რომ ემონებიან თავიანთ ბატონებს. როგორ უნდა გძულდეს სამშობლო, რომ დარბოდე მის საზღვრებს გარეთ და იხვეწებოდე, საქართველოს წინააღმდეგ გადაწყვეტილებები მიიღეთო“- განაცხადა ბათუმის საკრებულოს წევრმა და განმარტა, რომ რადიკალური ოპოზიცია, რომელიც ბოლო წლებია მხოლოდ დესტრუქციით იყვნენ დაკავებული ხელისუფლებამ ქუჩაში გაუშვა, ახლა კი მმართველ გუნდს ოპონირებას „ხალხის ძალა“ გაუწევს.
ნინო ცხვარაძემ ნაციონალური მოძრაობის გასამართლების პროცესზეც ისაუბრა. მან აღნიშნა, რომ იმ რადიკალების ნდობა არ შეიძლება, რადგან მათი ერთადერთი მიზანი ძალაუფლების ხელში ჩაგდებაა. ნინო ცხვარაძის თქმით, დაძაბულობას მხოლოდ ნაცმოძრაობის გასამართლება განმუხტავს და ეს პროცესი უკვე დაწყებულია.
„უკვე აღვნიშნე და კვლავაც გავიმეორებ, რომ საკრებულოს წევრი არ უნდა იყოს დაკავებული მხოლოდ პოლიტიკური განცხადებების კეთებით, თუმცა, ბუნებრივია, მაქვს საკუთარი მოსაზრებაც და პოზიციაც. ნათელია, რომ ოპოზიცია ვერ ჩამოყალიბდა და ვერ შეჯერდა ერთ პოზიციაზე. მოხდა ისე, რომ საპარლამენტო არჩევნების შემდეგ, მხოლოდ გახარიას პარტიამ არ შეიტანა განცხადება მანდატების გაუქმებაზე და არც სიები ჩახსნეს. დანარჩენი ოპოზიცია, როგორც ჩანს, იმედს იტოვებდა, რომ მუხლებში ჩაუვარდებოდნენ და ხვეწნას დაუწყებდნენ, ქვეყნის და აჭარის ავტონომიური რესპუბლიკის საკანონმდებლო ორგანოებში მუშაობა გააგრძელეთო. რაკი მუშაობა არ სურთ და პრინციპში, წლების განმავლობაში ან დესტრუქციით იყვნენ დაკავებულები, ან ბოიკოტის რეჟიმში იყვნენ, სწორ გზაზე დააყენა ხელისუფლებამ და გაუშვა იქ, სადაც მათი ადგილია – ქუჩაში! ხელისუფლებას კი კონსტრუქციულ ოპონირებას „ხალხის ძალა“ გაუწევს.
სიძულვილის ენით მხოლოდ საკუთარი ხალხის და ქვეყნის მოძულე ოპოზიცია საუბრობს. ბულინგიც მათი შინაგანი მდგომარეობაა. სამწუხაროდ, განსხვავებული აზრის მიმღებლობა არ აქვთ და თუ არ ეთანხმები, ხარ მონა, მოღალატე… არადა, საქართველოში ბოლო პერიოდში მიმდინარე პოლიტიკურმა პროცესებმა ოპოზიციის ლუსტრაცია მოახდინა. სწორედ რომ ემონებიან თავიანთ ბატონებს. როგორ უნდა გძულდეს სამშობლო, რომ დარბოდე მის საზღვრებს გარეთ და იხვეწებოდე, საქართველოს წინააღმდეგ გადაწყვეტილებები მიიღეთო. სამწუხაროდ, მოსახლეობის ნაწილი შეცდომაში შეიყვანეს და თავიანთი პოლიტიკური მიზნებისთვის გამოიყენეს, თუმცა მიზანს ვერ მიაღწიეს. როგორ უნდა დავუჯერო გვარამიას, მელიას, ხაზარაძეს, ხოშტარიას და მათ თანაგუნდელებს? ისინი ხომ ხელისუფლების ხელში ჩასაგდებად ყველაფერზე წამსვლელები არიან, მაგრამ ქართველი ხალხი ბრძენია. დაძაბულობას განმუხტავს მხოლოდ წინა რეჟიმის გასამართლება. პროცესი დაწყებულია და ხალხიც ელოდება ამას. მართალია, ეს უფრო ადრე უნდა მომხდარიყო, თუმცა ხელისუფლების წინააღმდეგ უშველებელი მანქანა მუშაობდა და რეჟიმის გასამართლებაზე მნიშვნელოვანი უცხო ძალების გავლენებისგან ქვეყნის გათავისუფლება, მშვიდობის და სტაბილურობის შენარჩუნება იყო. შეუიარაღებელი თვალითაც ჩანს, მალე პოლიტიკურ სანაგვეზე გადაინაცვლებენ ქვეყნის შიდა მტრები, ხალხიც ამოისუნთქავს და ქვეყანაც,“- განაცხადა ნინო ცხვარაძემ მედიასთან.