ხელვაჩაურის მერის ზაზა დიასამიძის განცხადებით, მუნიციპალიტეტში ელექტროენერგიის მიწოდების პრობლემა 700 ოჯახს ჰქონდა, დღეისთვის უკვე ეს ციფრი 500-მდე შემცირდა.
მისივე თქმით, ასევე, 219 ოჯახს არ მიეწოდება ბუნებრივი აირი, თუმცა შესაბამისი ბრიგადები აქტიურად მუშაობენ.
„ხელვაჩაურის მუნიციპალიტეტის მაღალ სოფლებში საზოგადოებრივი ტრანსპორტი არ მოძრაობს მოსახლეობის უსაფრთხოების დაცვის გამო და ჩვენ ვფიქრობთ, რომ დღეს ან ხვალისთვის ეტაპობრივად მოხდება საზოგადოებრივი ტრანსპორტის მოძრაობის აღდგენა.
სახლის სახურავის დაზიანების 33 ფაქტი გვაქვს, ასევე – 7 დამხმარე ნაგებობების, თუმცა მუნიციპალიტეტი აქტიურადაა ჩართული. დღეიდან უკვე დავიწყეთ შესწავლა“, – განაცხადა ხელვაჩაურის მერმა.
კომენტარები