“სხვისი ცრემლით და სხვისი ხელით გულადები რომელი ქვეყნების ხელისუფლებები არიან, ეს საჯაროდაც კარგად ჩანს”

საქართველოს პარლამენტის თავმჯდომარე შალვა პაპუაშვილი აშშ-ის სახელმწიფო მდივნის, მარკო რუბიოს „სიენენთან“ ინტერვიუს სოციალურ ქსელში ეხმაურება.

„სანქციებსა და ესტონეთზე გამახსენდა. აშშ-ის სახელმწიფო მდივანი ამ ინტერვიუში, მართალია, არ ასახელებს, რომელი ევროპული ქვეყნის საგარეო საქმეთა მინისტრმა უთხრა, რომ აჯობებს, უკრაინელებმა ერთი წელი კიდევ იომონო, თუმცა, სხვისი სისხლით, სხვისი ცრემლით და სხვისი ხელით გულადები რომელი ქვეყნების ხელისუფლებები არიან, მგონი, ეს საჯაროდაც კარგად ჩანს“, – წერს პაპუაშვილი.