ლატვიის პროკურატურამ სასამართლოში გადაგზავნა სისხლის სამართლის საქმე, რომლითაც, 81 მიგრანტის ლატვიაში უკანონოდ შეყვანის უზრუნველყოფისთვის, ექვსი პირია დადანაშაულებული.
უკრაინის ხუთი და ბელარუსის ერთი მოქალაქე, ანგარების მიზნით, ევროკავშირის გარე საზღვრიდან რიგის შემოგარენში მიგრანტების უკანონო გადაყვანაზე შეთანხმდა. ზემოთ აღნიშნული 6-კაციანი ორგანიზებულ ჯგუფი შექმნა პირმა, რომლის მიმართაც სისხლის სამართლის საქმე ცალკე აღიძრა.
მიგრანტების უკანონო გადაყვანისთვის, ორ შემთხვევაში, გამოყენებული იყო სახელმწიფო პოლიციის ფერებში შეღებილი და დუბლირებული სანომრე ნიშნის მქონე ავტომობილი, ხოლო ერთ შემთხვევაში – სასაზღვრო პოლიციის ფერებში შეღებილი და დუბლირებული სანომრე ნიშნის მქონე ავტომობილი.
ბრალდებულებმა, სამი სატრანსპორტო ოპერაციის ფარგლებში, ვიზებისა და ბინადრობის ნებართვების გარეშე უკანონოდ გადაიყვანა 81 იმიგრანტი, რომლებმაც მანამდე უკანონოდ გადაკვეთეს ბელარუს-ლატვიის საზღვარი.
ლატვიის პროკურატურა აცხადებს, რომ არცერთი პირი არ მიიჩნევა დამნაშავედ მანამ, სანამ მათი ბრალეულობა სისხლის სამართლის საპროცესო კოდექსით დადგენილი წესით არ დადასტურდება.