ჩვენ ვაბრუნებთ სამუშაო ადგილებსა და ბიზნესებს ისე, როგორც არასდროს, უკვე ხუთ ტრილიონ დოლარზე მეტი ინვესტიციაა და ეს სწრაფად იზრდება, – ამის შესახებ აშშ-ის პრეზიდენტის, დონალდ ტრამპი სოციალურ ქსელში წერს.
ტრამპის შეფასებით, დაწესებულმა ტარიფებმა ჩინეთი გაცილებით მეტად დაზარალა, ვიდრე აშშ-ი.
მისივე თქმით, ეს არ იქნება მარტივი, მაგრამ საბოლოო შედეგი იქნება ისტორიული.
„ჩინეთი გაცილებით ძლიერად დაზარალდა, ვიდრე აშშ, ამის შედარებაც არ შეიძლება. ისინი და სხვა ქვეყნები საშინლად გვექცეოდნენ. ჩვენ ვიყავით სულელები და უმწეოები, თითქოსდა მიბმული დასასჯელთა ბოძზე, მაგრამ აღარ ვიქნებით. ჩვენ ვაბრუნებთ სამუშაო ადგილებსა და ბიზნესებს ისე, როგორც არასდროს. უკვე, ხუთ ტრილიონ დოლარზე მეტი ინვესტიციაა და ეს სწრაფად იზრდება. ეს არის ეკონომიკური რევოლუცია და ჩვენ გავიმარჯვებთ. გაუძელით, არ იქნება იოლი, მაგრამ საბოლოო შედეგი იქნება ისტორიული. ჩვენ ამერიკას კვლავ დიდებულს გავხდით“, – წერს ტრამპი.