უკრაინის მიმართ რუსეთის აგრესიის გააქტიურების ფონზე ფინეთის საგარეო საქმეთა მინისტრი მიიჩნევს, რომ ევროპელი ლიდერების მხრიდან პუტინთან დარეკვის დრო ჯერ არ დამდგარა. ამის შესახებ ელინა ვალტონენიმ ადგილობრივ მედიას განუცხადა.
მან ასევე დასძინა, რომ ფინეთი რუსეთს არ მიიჩნევს მტრად, მაგრამ ეწინააღმდეგება მის ქმედებებს და საერთაშორისო სამართლის დარღვევას.
„ჩვენ კეთილმეზობლური ურთიერთობების იმედი გვაქვს, მაგრამ ეს დრო ჯერ არ დამდგარა. ყველაფერი იმაზეა დამოკიდებული, როდის დაიწყებს რუსეთი საერთაშორისო სახელშეკრულებო სისტემაში დაბრუნების სურვილის დემონსტრირებას“, – აღნიშნა ვალტონენმა.
კომენტარები