უკრაინის პრეზიდენტის, ვოლოდიმირ ზელენსკის განცხადებით, უკრაინის მიმართულებით თავდასხმების გაგრძელება აჩვენებს, რომ რუსეთს ომის დასრულება არ სურს.
„შავი ზღვიდან გაშვებული რაკეტები იყო ერთ-ერთი, რომლებიც გამოიყენეს დღევანდელი შეტევისთვის. ეს არის ერთ-ერთი მიზეზი, რის გამოც რუსეთი გაურბის დიპლომატიას და არ ეთანხმება ცეცხლის უპირობო შეწყვეტას. მათ სურთ, შეინარჩუნონ ჩვენი ქალაქებისა და პორტების ზღვიდან დაბომბვის შესაძლებლობა“, – განაცხადა უკრაინის პრეზიდენტმა ყოველდღიურ ვიდეომიმართვაში.
ზელენსკის თქმით, კიევი ელოდება აშშ-ის რეაქციას ვლადიმერ პუტინის მიერ ცეცხლის უპირობო შეწყვეტის უარყოფაზე.
„ჯერჯერობით არავითარი რეაქცია არ ყოფილა“, – აღნიშნავს ვოლოდიმირ ზელენსკი.
ზელენსკიმ საჰაერო თავდაცვის სისტემებისა და რაკეტების წარმოების გაძლიერებაზეც ისაუბრა.
„მიზანშეწონილია საჰაერო თავდაცვის სისტემებისა და მათთვის განკუთვნილი რაკეტების უფრო აქტიური წარმოება ევროპასა და ამერიკაში. ჩვენ უკრაინაში შეგვიძლია, უზრუნველვყოთ ასეთი წარმოება და გვჭირდება შესაბამისი პოლიტიკური გადაწყვეტილებები“, – განაცხადა ზელენსკიმ.