თურქეთის ოპოზიციურმა „რესპუბლიკურმა პარტიამ“ თავმჯდომარედ კვლავ ოზგულ ოზელი აირჩია.
ოზგულ ოზელის თქმით, შვიდმა მილიონმა ადამიანმა ხელი მოაწერა ვადამდელი არჩევნების გამართვის შესახებ მათ მიერ ინიცირებულ პეტიციას.
ამასთან, ოზელმა თანაპარტიელის, სტამბოლის მერის, ეკრემ იმამოღლუს დაკავების გასაპროტესტებლად მასშტაბური აქციების გამართვის პირობა დადო. სწორედ ეკრემ იმამოღლუ დაასახელა „რესპუბლიკურმა პარტიამ“ 2028 წლის არჩევნებზე პრეზიდენტობის კანდიდატად და რეჯეფ თაიფ ერდოღანის მთავარ კონკურენტად.
იმამოღლუს გარდა, სამართალდამცველებმა ასევე დააკავეს შვიდი ქალაქის მერები, რომლებიც „რესპუბლიკური პარტიის“ წევრები არიან. ქვეყნის მასშტაბით მიმდინარე საპროტესტო აქციების დროს კი, საერთო ჯამში, დაკავებულია 2 000-მდე ადამიანი, მათ შორის 300 სასამართლო პროცესის მოლოდინშია.