ჰარვარდის უნივერსიტეტმა ტრამპის ადმინისტრაციას სასამართლოში უჩივლა. როგორც „აქსიოსი“ წერს, ფედერალურ სარჩელში ჰარვარდის უნივერსიტეტი ამტკიცებს, რომ ტრამპის ადმინისტრაცია არღვევს უმაღლესი სასწავლებლის კონსტიტუციურ უფლებებს და უმაღლესი სასწავლებლისთვის დაფინანსების გაყინვა უკანონოა.
ჰარვარდის უნივერსიტეტის პრეზიდენტმა, ალან გარბერმა ტრამპის ადმინისტრაცია დაადანაშაულა უპრეცედენტო და არასათანადო კონტროლის დამყარების მცდელობაში. მისივე თქმით, ადმინისტრაციის ქმედებები სერიოზულად აისახება ჰარვარდის სტუდენტებზე, პედაგოგებზე, პერსონალზე, სამედიცინო და სხვა სახის კვლევებზე.
ცნობისთვის, ტრამპის ადმინისტრაცია უნივერსიტეტს მართვის სფეროში რეფორმების გატარებას, სტუდენტების მიღების პოლიტიკის გადახედვას და მრავალფეროვნებაზე არსებული შეხედულებების შეცვლას სთხოვს. ასევე უნივერსიტეტს ანტისემიტიზმთან არასათანადო ბრძოლაში სდებს ბრალს.
უნივერსიტეტმა უარყო ტრამპის ბრალდებები და უარი თქვა მოთხოვნების შესრულებაზე, რის გამოც უმაღლესი სასწავლებელს 2,2 მილიარდი დოლარის ოდენობით ფედერალური დაფინანსება გაუყინეს. განიხილება დამატებით მილიარდი დოლარის ოდენობით გრანტის გაყინვაც.
თეთრ სახლში განაცხადეს, რომ უნივერსიტეტი გადასახადების გადამხდელთა ფულს უზარმაზარი ბიუროკრატიული აპარატის ხელფასებზე ხარჯავს.