კალიფორნიის განათლების დეპარტამენტის ცნობით, ჰაკერმა მილიონობით მოსწავლის მონაცემები მოიპოვა, მათ შორის, სახელები, დაბადების თარიღები, მისამართები და შეზღუდული შესაძლებლობის სტატუსები.
დეპარტამენტის ცნობით, ჰაკერმა იმ მოსწავლეთა მონაცემები მოიპოვა, რომლებიც გასული სამი წლის განმავლობაში ჩაირიცხნენ.
აღსანიშნავია, რომ მხოლოდ 2025-2026 სასწავლო წელს კალიფორნიაში სწავლა 5.7 მილიონზე მეტმა მსურველმა დაიწყო.
განათლების დეპარტამენტი აცხადებს, რომ საგანმანათლებლო ტესტირების სამსახურმა მომხდარის თაობაზე მოსწავლეებსა და მათ ოჯახებს უკვე აცნობა.
როგორც ცნობილია, აღნიშნული დარღვევა გასული თვის ბოლოსკენ გამოვლინდა, თუმცა გაირკვა, რომ მოსწავლეთა პერსონალურ ინფორმაციას ჰაკერი მაისიდან მოიპოვებდა.
კომენტარები