საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა განაცხადა, რომ ევროკავშირი არასდროს ცნობს რუსეთის მიერ ოკუპირებულ ყირიმის ნახევარკუნძულს რუსეთის ტერიტორიად.
კალასი გამოეხმაურა ცნობებს იმის შესახებ, რომ ყირიმის რუსეთის ტერიტორიად აღიარება განიხილება უკრაინაში ომის დასრულების მიზნით აშშ-ის მიერ წარდგენილი წინადადების ფარგლებში.
„ყირიმი უკრაინაა. ეს ბევრს ნიშნავს მათთვის, ვინც ოკუპირებულია, რომ სხვები ამას რუსეთის ტერიტორიად არ აღიარებენ“, – აღნიშნა საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა.
კომენტარები