ქალაქ ვაშინგტონის საოლქო მოსამართლემ აშშ-ის პრეზიდენტის, დონალდ ტრამპის ადმინისტრაციას დაავალა განაახლოს რადიოსადგურ „ამერიკის ხმის“ და მასთან დაკავშირებული მაუწყებლების მუშაობა. ინფორმაციას The Hill-ი ავრცელებს.
ამრიგად, მოსამართლემ მოსარჩელეების შუამდგომლობა დააკმაყოფილა და სასამართლოს საბოლოო განაჩენამდე „ამერიკის ხმის“ გაუქმება შეაჩერა.
მოსამართლის განჩინების თანახმად, პრეზიდენტის ადმინისტრაცია ვალდებულია „ამერიკის ხმის“ ყველა ის თანამშრომელი აღადგინოს, რომელიც 14 მარტიდან დაითხოვა. მოსამართლემ აგრეთვე დაავალა ხელისუფლებას, რომ მან აშშ-ის გლობალური მედიების სააგენტოს (USAGM) მეშვეობით რადიოსადგურის დაფინანსება აღადგინოს.
გარდა „ამერიკის ხმისა“ მოსამართლემ ტრამპის ადმინისტრაციას რადიოსადგურების: Radio Free Asia და Middle East Broadcasting Networks მუშაობის აღდგენა დაავალა.
ცნობილია, რომ ტრამპის ადმინისტრაცია განჩინებას გაასაჩივრებს.