საქართველოს ფინანსურ-ეკონომიკური უწყებების ხელმძღვანელები აშშ-ში მართავენ მოლაპარაკებებს თანამშრომლობის გაღრმავებაზე, რაღაც არ იგრძნობა ეს ე.წ. იზოლაცია,- ასე ეხმიანება ანალიტიკოსი, გია აბშიძე, სამთავრობო გუნდის აშშ-ში ვიზიტს, სადაც ისინი შეხვდნენ, როგორც შეერთებული შტატების ოფიციალურ პირებს, ასევე საერთაშორისო საფინანსო ორგანიზაციების ტოპ მენეჯერებს.
აბაშიძის თქმით, ამერიკის კომერციის დეპარტამენტში საუბარი შეეხო თანამშრომლობის ახალი ჩარჩო მემორანდუმის გაფორმებას, რომელშიც აისახება ის ინიციატივები, რომლებიც ქართულმა მხარემ ამერიკელ პარტნიორებს შესთავაზა და კერძო სექტორთან ერთად დაკონკრეტდება და განხორციელდება.
„ საქართველოს ფინანსურ-ეკონომიკური უწყებების ხელმძღვანელები აშშ-ში მართავენ მოლაპარაკებებს თანამშრომლობის გაღრმავებაზე, რაღაც არ იგრძნობა ეს ე.წ. იზოლაცია.
საერთაშორისო სავალუტო ფონდისა და მსოფლიო ბანკის წლიური შეხვედრის ფარგლებში, პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, ფინანსთა მინისტრი ლაშა ხუციშვილი და ეროვნული ბანკის პრეზიდენტი ნათია თურნავა შეხვდნენ როგორც შეერთებული შტატების ოფიციალურ პირებს, ასევე საერთაშორისო საფინანსო ორგანიზაციების ტოპ მენეჯერებს.
აღსანიშნავია, რომ ამერიკის კომერციის დეპარტამენტში საუბარი შეეხო თანამშრომლობის ახალი ჩარჩო მემორანდუმის გაფორმებას. მასში აისახება ის ინიციატივები, რომლებიც ქართულმა მხარემ ამერიკელ პარტნიორებს შესთავაზა და კერძო სექტორთან ერთად დაკონკრეტდება და განხორციელდება.
“მიმდინარე წელს ამერიკაში ქართული ბიზნესის ვიზიტი იგეგმება, რომელიც შეაფასებს ამერიკაში საინვესტიციო შესაძლებლობებს. ამერიკის კომერციის დეპარტამენტი ამ პროცესში აქტიურად იქნება ჩართული და ქართულ კომპანიებს უმასპინძლებს. ასევე წლის მეორე ნახევარში, სექტემბერში უკვე ამერიკელების სავაჭრო მისია დაიგეგმება საქართველოში, სადაც ჩვენი სამინისტრო ასევე აქტიურად იქნება ჩართული”, აღნიშნა ეკონომიკის მინისტრმა ლევან დავითაშვილმა.
ფინანსთა მინისტრმა ლაშა ხუციშვილმა განაცხადა: “მნიშვნელოვანია ის მიღწევები, რომლებსაც საქართველომ მიაღწია – იმ რეფორმების ფარგლებში, რომლებმაც დაადასტურეს თავისი წარმატება უკვე რიცხვებში. ამ მიმართულებით მნიშვნელოვანია ის, რომ ყველა დონორი ორგანიზაციის მიერ გამოითქვა მზადყოფნა და მხარდაჭერა იმ პროექტების მიმართ, რომლებიც უკვე ხორციელდება და იმ პროექტების მიმართ, რომლებზეც უკვე შეთანხმებული ვართ, რომ მომავალში განხორციელდება. ამ მიმართულებით მნიშვნელოვანია ის, რომ მსოფლიო ბანკი აგრძელებს თანამშრომლობას ისეთ მნიშვნელოვან პროექტებთან მიმართებაში, როგორიც არის შავი ზღვის წყალქვეშა კაბელი, ასევე, ადამიანური რესურსების განვითარების მიმართულებით პროგრამა“,-წერს გია აბაშიძე.