მე მგონი ბრიუსელში მომწიფდა აზრი, რომ არ ლაპარაკით და ურთიერთობების არქონით ვერანაირ შედეგს მიაღწევენ, თუ მათ რაიმე უნდათ საქართველოს ხელისუფლებისგან, – განაცხადა გადაცემაში „იმედი LIVE“ პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ.
„ჩვენ ნებისმიერი ღია დიალოგისთვის მზად ვართ და ჩვენც გვაინტერესებს, გაგვაგებინონ რა არის მათი მთავარი პრობლემა, არის ისევ ეს „გამჭვირვალობის კანონი“, რის გამოც დაიწყო მთელი ეპოპეა. თუმცა, ეს თემა ყველგან აქტუალურია. ვხედავთ, რომ ტრამპის ადმინისტრაციამ ზუსტად იგივე სახელის კანონი მიიღო უნივერსიტეტებთან დაკავშირებით, ევროპის ბევრ ქვეყანაში არის მოწოდებები გამჭვირვალობასთან დაკავშირებით. ამიტომ, თუ „გამჭვირვალობის კანონია“ ის, რის გამოც ჩვენ არ გველაპარაკებინა, ესეც ძალიან ღიად უნდა გვითხრან“, – აღნიშნა ნიკოლოზ სამხარაძემ.