საქართველოს სპორტის მინისტრი შალვა გოგოლაძე საქართველოს სპორტის უნივერსიტეტის ინიციატივით გამართულ შეხვედრას დაესწრო. ღონისძიებაზე უნივერსიტეტის, სამინისტროს, სპორტული ფედერაციების, ოლიმპიური კომიტეტისა და სხვადასხვა სპორტული ორგანიზაციის პროფესიული თანამშრომლობის გაღრმავებაზე, მიმდინარე გამოწვევებსა და განვითარების პერსპექტივებზე ისაუბრეს.
შალვა გოგოლაძემ ღონისძიებაზე სიტყვით გამოსვლისას ისაუბრა თუ რა მნიშვნელობა აქვს სპორტის განვითარებისთვის სპორტის უნივერსიტეტის არსებობას.
ღონისძიებაზე სპორტის უნივერსიტეტსა და საქართველოს ხელბურთის ფედერაციას, ასევე კარატეს ფედერაციას შორის ურთიერთთანამშრომლობის მემორანდუმები გაფორმდა.
ღონისძიებას ესწრებოდნენ საქართველოს სპორტის სამინისტროს, ოლიმპიური კომიტეტისა და სპორტული ფედერაციების წარმომადგენლები.
ინფორმაციას სპორტის სამინისტრო ავრცელებს.