“იმ დროინდელ საპყრობილეებში პატიმრებს აწამებდნენ, ამის შესახებ სწორედ ცოტნე გამსახურდიამ დაწერა პირველად”

იმ დროინდელ საპყრობილეებში აწამებდნენ პატიმრებს. სწორედ ცოტნემ დაწერა პირველად ამის შესახებ, – განაცხადა ცოტნე გამსახურდიას მეუღლემ, ანა ჯაბაურმა. იგი გამოეხმაურა გამსახურდიას საქმესთან დაკავშირებით პროკურატურის მიერ დღეს გავრცელებულ ინფორმაციას.

„მიუხედავად იმისა, რომ ბევრი მცდელობა იყო ამ წერილების დაბლოკვის, მაინც გამოჟონა ამ ინფორმაციამ და დადასტურდა ნამდვილად, რომ ცოტნეს არანაირი ქრთამი არ მიუცია. ამის შესახებ დაწერა ორმა მაშინდელმა ბადრაგმა, მათ აღიარებითი ჩვენება მისცეს“, – აღნიშნა ჯაბაურმა.