მთელი ისრაელის მასშტაბით საჰაერო განგაშის ხმა ისმის. ირანმა ისრაელზე მორიგი სარაკეტო თავდასხმა დაიწყო. ამის შესახებ სოციალურ ქსელში“ცახალი” წერს.
როგორც times of israel-ი იუწყება, განგაშის სიგნალების ხმა ირანის ბალისტიკური რაკეტების გამო ჩრდილოეთ ისრაელში იმის.
მათივე ცნობით, რამდენიმე ხნის წინ, განგაშის ხმა ცენტრალურ ისრაელსა და იერუსალიმის ტერიტორიაზე ისმოდა.
იმ ტერიტორიებზე, სადაც საჰაერო განგაშის ხმა ისმის, ხელისუფლება მშვიდობიან მოქალაქეებს მოუწოდებს შემდეგ შეტყობინებამდე თავშესაფრებში დარჩნენ.
ცნობისთვის, ისრაელსა და ირანს შორის კონფლიქტი უკვე მესამე დღეა გრძელდება. ისრაელმა ირანის სამხედრო ინფრასტრუქტურას დაარტყა, რის შემდეგაც ირანმა ისრაელის ტერიტორიის დაბომბვა დაიწყო.
კომენტარები