აშშ პირდაპირ როლს თამაშობს ისრაელის სამხედრო ოპერაციაში, – ამის შესახებ ირანის პრეზიდენტმა, მასუდ ფეზეშქიანმა განაცხადა.
„სტივ უიტკოფმა ირანის საგარეო საქმეთა მინისტრს, აბას არაღჩის უთხრა, რომ ისრაელი აშშ-ის ნებართვის გარეშე ვერაფერს ვერ გააკეთებს – ეს ნიშნავს, რომ ისრაელის ქმედებები ხორციელდება ამერიკის შეერთებული შტატების პირდაპირი თანხმობით“,- განაცხადა ფეზეშქიანმა.
ირანის პრეზიდენტის თქმით, იმის მიუხედავად, რომ აშშ ცდილობს, დამალოს თავისი როლი, „ის რასაც დღეს ვხედავთ, ხორციელდება ვაშინგტონის პირდაპირი მხარდაჭერით“.
ფეზეშქიანმა აღნიშნა, რომ ირანს არასდროს სურდა ომი თუ კონფლიქტი, მაგრამ საომარი მოქმედებების ნებისმიერ გაგრძელებას „გადამწყვეტი და მკაცრი“ პასუხი მოჰყვება.
კომენტარები