აშშ-ის პრეზიდენტი, დონალდ ტრამპი სამშაბათს თეთრი სახლის სიტუაციურ ოთახში შეხვდება ეროვნული უსაფრთხოების გუნდს, რათა მიიღოს გადაწყვეტილებები ისრაელსა და ირანს შორის მიმდინარე ომთან დაკავშირებით აშშ-ის პოლიტიკის შესახებ. ამის შესახებ Axios-ს სამმა ამერიკელმა ოფიციალურმა პირმა განუცხადა.
აშშ-ის ოფიციალური პირების განცხადებით, ტრამპი სერიოზულად განიხილავს ომში ჩართვას და ირანის ბირთვულ ობიექტებზე, განსაკუთრებით კი ფორდოს ურანის გამდიდრების მიწისქვეშა ობიექტზე დარტყმის განხორციელებას.
აშშ-ის ვიცე-პრეზიდენტმა, ჯეი დი ვენსმა განაცხადა, რომ დონალდ ტრამპმა, შესაძლოა, გადაწყვიტოს, რომ ირანის ბირთვული გამდიდრების ძალისხმევის შესაჩერებლად შემდგომი ზომების მიღებაა საჭირო.
მანამდე დონალდ ტრამპმა ირანს უპირობო კაპიტულაციისკენ მოუწოდა.
კომენტარები