ისრაელის სამხედრო-საჰაერო ძალებმა ბოლო რამდენიმე საათის განმავლობაში 50 თვითმფრინავის მეშვეობით თეირანში რამდენიმე სამხედრო ობიექტი დაბომბა. ინფორმაციას ისრაელის თავდაცვის არმია („ცაჰალი“) „ტელეგრამის“ საკუთარ არხზე ავრცელებს.
კერძოდ, როგორც „ცაჰალი“ იტყობინება, თეირანში დაიბომბა ცენტრიფუგები, რომელსაც ირანი ურანის გასამდიდრებლად იყენებდა, რაც მას ბირთვული იარაღის შექმნის შესაძლებლობას მისცემდა.
ამასთან ერთად, ისრაელის სამხედრო-საჰაერო ძალებმა თეირანში ხმელეთი-ხმელეთის ტიპის რაკეტების ამწყობი ქარხანაც დაბომბა. აღნიშნულ რაკეტებს ირანი ისრაელის მიმართულებით ისროდა.
ისრაელის თვითმფრინავებმა აგრეთვე იერიში მიიტანეს „ხმელეთი-ჰაერის“ ტიპის რაკეტების საწარმოზე. აღნიშნულ იარაღს ირანი ისრაეული თვითმფრინავების წინააღმდეგ იყენებდა.
კომენტარები