ლიეტუვის საგარეო საქმეთა სამინისტროს ხელმძღვანელმა, კესტუტის ბუდრისმა განაცხადა, რომ უკრაინა ჰააგის სამიტზე ნატოში გაწევრიანების მიწვევას არ მიიღებს. ინფორმაციას ამის შესახებ უკრაინული მედია ავრცელებს.
ბუდრისის თქმით, უკრაინის ნატოში გაწევრიანების მიწვევის საკითხი დღის წესრიგში არ დგას.
„არავის არ გამოუთქვამს იმედი, რომ ჰააგაში მოწვევა გაკეთდებოდა, თვით უკრაინელებსაც კი. არ არსებობს მოლოდინი, რომ რაიმე გარღვევა შედგება, არც ვაშინგტონის სამიტამდე და არც ახლა, ჰააგის სამიტის წინ. ეს არ დგას დღის წესრიგში“, – აღნიშნა ლიეტუვის საგარეო საქმეთა მინისტრმა.
ლიეტუვის საგარეო საქმეთა მინისტრის აზრით, მნიშვნელოვანია შეხვედრაზე ყურადღება გამახვილდეს უკრაინაზე და ხაზი გაესვას იმას, რომ ნატოს წევრი ქვეყნები და კიევი ერთიან უსაფრთხოების სივრცეში იმყოფებიან.
კომენტარები
