ოთარ ფარცხალაძეს მისამალი ნამდვილად არაფერი სჭირს, – ამის შესახებ ყოფილი გენერალური პროკურორის, ოთარ ფარცხალაძის ადვოკატმა გაგი მოსიაშვილმა “პრაიმტაიმში” გამართულ პრესკონფერენციაზე “ახალი საქართველოს” ლიდერის, გიორგი ვაშაძის განცხადების საპასუხოდ განაცხადა, რომელმაც დღევანდელ ბრიფინგზე განაცხადა, რომ აქვს ინფორმაცია, რომ ოთარ ფარცხალაძე ქვეყნის დატოვებას გეგმავს.
“ოთარ ფარცხალაძეს მისამალი ნამდვილად არაფერი სჭირს. გამოკვლეული ინფორმაციის საფუძველზე იკვეთება არა ბატონი ოთარის რაიმე სახის ბრალეულობა, არამედ, არ არის გამორიცხული, რომ ეს არის მიზანმიმართული პროვოკაცია ლაშა თორდიას მხრიდან. მზად ვართ, ნებისმიერ დროს მოხდეს საგამოძიებო ორგანოსთან თანამშრომლობა დაკითხვის რეჟიმში”, – განაცხადა მოსიაშვილმა.
კომენტარები