რუსეთის პრეზიდენტმა, ვლადიმერ პუტინმა აშშ-ის ლიდერთან, დონალდ ტრამპთან სატელეფონო საუბრის დასრულებისთანავე უკრაინის დედაქალაქი კიევი ასობით რაკეტებით დაბომბა, რაც იმას ნიშნავს, რომ მოსკოვი ვაშინგტონის პოზიციას არ ითვალისწინებს. განცხადება უკრაინის საგარეო საქმეთა მინისტრმა, ანდრეი სიბიგამ გაავრცელა.
„ყველაზე საშინელი და უძილო ღამე კიევში. ერთ-ერთი ყველაზე ცუდი უკანასკნელ პერიოდში. ასობით რუსული უპილოტო საფრენი აპარატი და ბალისტიკური რაკეტა უკრაინის დედაქალაქს თავს დაესხა. ეს მოხდა პუტინისა და პრეზიდენტ ტრამპის საუბრის დასრულებისთანავე. და ის ამას განგებ აკეთებს. კმარა ლოდინი! პუტინი მკაფიოდ აჩვენებს, რომ ის შეერთებულ შტატებს და ყველას, ვინც ომის დასრულებისკენ მოუწოდებს, უგულებელყოფს“, – აღნიშნულია სიბიგას განცხადებაში.
სიბიგა საერთაშორისო საზოგადოებას მოუწოდებს რუსეთს ყველაზე მკაცრი სანქციები დაუწესოს.
„უკრაინა თავდაცვისთვის ყველა საჭირო საშუალებით უნდა იყო უზრუნველყოფილი. არასწორმა გადაწყვეტილებებმა, შესაძლოა, აგრესორი ტერორის ესკალაციისთვის უფრო წაახალისოს. მსოფლიოში სხვა დამნაშავე რეჟიმები ახლა პუტინის მოქმედებებს და მასზე რეაქციას უყურებს. თუ ეს მას გაუვა, ყველა მკაფიო სიგნალს მიიღებს“, – დასძინა უკრაინის პირველმა დიპლომატმა.