თურქეთის მოქალაქე დროებით საცხოვრებელში 150 გრამამდე კოკაინს ინახავდა. განსაკუთრებით დიდი რაოდენობით ნარკოტიკული საშუალების შეძენა შენახვისთვის 56 წლის მამაკაცია დაკავებული.
“კურიერის” ინფორმაციით, დაკავებამდე სამართალდამცველებმა ოპერატიული ინფორმაცია მიიღეს, რამდენიმე წუთში პოლიცია მისამართზე მივიდა, საგამოძიებო მოქმედებები ჩაატარა და ბინიდან 6 მცირე და 1 დიდ შეკვრად დაფასოებული კოკაინი ამოიღო.
ნარკოდანაშაულისთვის ჰასან ჰუსეინ ალსაჩია დაკავებული. “კურიერის” ინფორმაციით, ის საქართველოში 7 თვის წინ ჩამოვიდა და ბათუმში მზარეულად მუშაობდა, დაკავებამდე რამდენიმე დღის ადრე კი თბილისში მიცკევიჩის ქუჩაზე ბინა იქირავა.
ჰასან ჰუსეინ ალსაჩი წარდგენილ ბრალზე დუმილის უფლებას იყენებს. ადვოკატს საქმის მასალები გადაეცა, თუმცა ინტერესების დამცველი კონკრეტულ ნივთმტკიცებებზე, ამ ეტაპზე, არ საუბრობს.
150 გრამი კოკაინი, რომელიც 6 მცირე და 1 დიდ შეკვრად იყო დაფასოებული, საქმის მთავარი მტკიცებულებებია. სამართალდამცველები ჰასან ჰუსეინ ალსაჩის ნაქირავებ ბინაში, რამდენიმე საათის განმავლობაში ჩხრეკას ატარებდნენ. ამოღებულია სხვა ნივთმტკიცებებიც.
ნარკოდანაშაულის საქმეზე გამოძიება გრძელდება. თურქეთის მოქალაქეს, დანაშაულის დამტკიცების შემთხვევაში, 20 წლამდე ან უვადო პატიმრობა ემუქრება.
ჰასან ჰუსეინ ალჩასს სასამართლოს გადაწყვეტილებით წინასწარი ორ თვიან პატიმრობაში იმყოფება. თურქეთს მოქალაქე უკვე პენიტენციურ დაწესებულებაშია.