აშშ-ის კენტუკის შტატში, ბაპტისტურ ეკლესიაში სროლას ორი ადამიანი ემსხვერპლა.
მედიის ცნობით, ლექსინგტონის აეროპორტთან ოფიცერმა ავტომობილი გააჩერა, რის შემდეგაც ავტომობილში მყოფმა მოქალაქემ ცეცხლი გახსნა და ოფიცერი დაჭრა. ამის შემდეგ, ეჭვმიტანილმა ლექსინგტონის აეროპორტთან ახლოს საგზაო მოძრაობის შეჩერების მერე, მანქანა გაიტაცა და რიჩმონდ როუდის ბაპტისტური ეკლესიისკენ წავიდა, სადაც ცეცხლი გახსნა. ეკლესიაში სროლის შედეგად, 72 და 32 წლის ქალები დაიღუპნენ.
ეჭვმიტანილი პოლიციამ მოკლა. პოლიციის ინფორმაციით, ეკლესიაში კიდევ ორი ადამიანი დაიჭრა და ადგილობრივ საავადმყოფოში გადაიყვანეს. ერთ-ერთ დაშავებულს მძიმე დაზიანებები აღენიშნება, ხოლო მეორის მდგომარეობა სტაბილურია.
კომენტარები