გუშინ, რუსთავში ურთიერთშელაპარაკების შედეგად ერთი კაცი დაჭრეს. სამართალდამცველებმა საქმე ცხელ კვალზე გახსნეს და ერთი პირი დააკავეს. ამის შესახებ “პირველს” შს სამინისტროდან აცნობეს.
უწყების ცნობით, დაჭრილი კაცის ჯანმრთელობის მდგომარეობა დამაკმაყოფილებელია.
საქმეზე გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს და ისჯება თავისუფლების აღკვეთით ვადით სამიდან ხუთ წლამდე.
კომენტარები